LINE Friends 一向都搞作多多，唔同类型嘅产品都会有佢哋嘅身影。最近，发现到佢哋喺化妆美容界曝光率好高！之前先同MISSHA同innisfree合作联乘，LINE Friends当然唔会畀佢停。今次就同韩国本土指甲油品牌TOK跟合作推出一系列美甲套装，包括树脂美甲套装，及光疗指甲油套装。LINE Friends每次推出新产品都会俘虏唔少人心，作为Die Hard Fans就肯定唔会错过啦！

树脂美甲套装

树脂美甲套装一共有三款，分别是Brown、Cony和Sally。值得一提嘅係，外观是以铁罐为包装，就算冇搽指甲油嘅习惯，见到个咁cute嘅铁罐都令人心郁郁。讲返正题，每一桶都有两种颜色的指甲油和一瓶基底油，话到明係套装，又点会只有指甲油呢？因应唔同嘅kit，仲有美甲贴、辅助贴纸、指甲挫、点点笔。而颜色方式，好细心咁跟足LINE人物嘅配色。睇睇下面嘅教学，又真係可以变到Brown係指甲上面喎！

Brown and Cony 光疗指甲油套装

光疗甲油套装里指甲油嘅颜色更多，有5瓶指甲油再加一瓶底油，而美甲贴嘅选择亦有更多Brown & Cony嘅可爱造型。如果你有光疗灯，只要简单几步就能够喺屋企做出专业美甲店嘅效果喇。教学有埋图教你点样美甲，睇落好似唔难，一搽、一贴、一照就完成了！

点解两套package嘅价钱差咁远？细心啲就会发现，Brown光疗指甲油套装多咗三样嘢，包括袋仔、光疗灯、USB线。若果你冇光疗灯，拣呢一个package就可以一次过买哂所需物品唔驶烦啦。

网友抢先试用

除咗图文教学，Nail Outlet嘅instagram仲上载咗短片教大家如何美甲。睇一睇网友试用完美甲套装，几乎係零失败，都可以清晰咁见到可爱嘅Brown、Cony、Sally，美术唔合格都一样冇问题。

不过，好可惜。香港市面上仲未有得卖，想买嘅只好亲身飞去韩国或者搵代购。当然，其实呢几个套装都唔算好平，自问係抵抗唔到诱惑嘅话，就要準备荷包大出血喇。

官方特许网站：Nail Outlet

香港代购：Love Buy Korea